كيفية تزويد مشتركين يوتيوب مجانا - تزويد 1000 مشترك يوتيوب - تزويد 4000 ساعه مشاهدات يوتيوب مجانا 2020

لو انت عايز تبقا (content creator) أو ف المجال حاليا،
 ‏فالبوست ده معمول عشان يقولك ع شوية أساسيات،وشوية نصايح ع السريع.

ومعمول برده لأي صاحب بيزنس عشان يعرف إيه أهمية مجال كتابة المحتوى للبيزنس بتاعه.

والبوست ده هيبقا عبارة عن مقدمة لبوستات تانية تهم أي حد.عايز يدخل المجال ويتعلمة بإذن الحي القيوم.😃

وهيبقا عبارة عن (bullet points) سريعة؛عشان يبقا سهل وسريع ف القرايه.😃

ف let's go !
هيا بنا نغطس!😍

ال (content creation) يعني كتابة المحتوى.
والمحتوى هو أي:
بوست،
مقال،
فيديو،
بودكاست،
صورة،
كتاب،
تويتة،
 موجودين ع صفحات السوشيال ميديا/الموقع/المدونة بتاعتك.

وبكده يبقا عندنا ٣ أشكال للمحتوى:
١) تقدر تقراه (بوست،تويتة،مقالة...).
٢) تقدر تسمعه (بودكاست،مقالات صوتية،كتب صوتية...).
٣) تقدر تشوفه (الفيديوهات بأنواعها).
٤) محتوى تبوسه وتركنه ع جمب لأنه غير مفيد، وملهوش لون ولا طعم ولا ريحه.🙄

ولكن (أنواع المحتوى) اللي هيا غير (أشكال المحتوى) فعندنا منهم كتير -اللهم بارك- ودول شوية أنواع:

١)بوست صغير (copy).
٢) بوست كبير (مقال).
٣) تويته.
٤) ملف (pdf) صغير.
٥) انفوجرافيك.
٦) إيديوجرافيك.
٧) مسابقات.
٨) الدليل الشامل لعمل شيء معين.
٩) ويبينار.
١٠) يوزار جينريتيد كونتنت (UGC).
١١) الأسئلة الشائعة (FAQ).
١٢) الفلوحز (vlogs).
١٣) الإيميلز (emails).
١٤) الاسكرين شوتس (screenshots).
١٥) التستومونولز (testimonials).
١٦) الدليل المادي (physical proof/evidence).
١٧) الفري سامبولز (free-samples).
١٨) الإي بوكس (e-books).
١٩) دراسة الحالة (case study).
٢٠) المقارنة.
٢١) التيبس (tips).
٢٢)أسئلة العملا.
٢٣) الريفيوز (reviews).
٢٤) بيفور أن أفتر (Before&After).
٢٥) الانترفيوز (interviews).
دول اللي فاكرهم يعني.😀

وممكن بعد كده ف بوست تاني؛نشرح كل واحدة منهم بالتفصيل وازاي وإمتا نستخدمهم لو تحبوا!😉

وف الكام السطر الجايين؛هنحاول ف نقط سريعة نقول إيه أهمية ال (content creation)،وشوية نصايح كده سريعة.

- موقع (hubspot) -من أفضل مواقع العالم ف التسويق وحاجة  جامدة يعني- قال ف إحصائية: (إن الاعتماد ع التسويق بالمحتوى بيجيبلك ٣ أضعاف العملا اللي مهتمين بمنتجك/خدمتك،مقارنة بأي استراتيجية تسويق تانية.
وبيقلل تكلفة انك تجيب العملا دول بنسبة ٦٢%).

- content = business growth/profits
فيه محتوى،فيه نمو لشركتك.
مفيش محتوى،مع السلامة يا فلوس.🙃

- من عوامل ظهور موقعك ف مرتبة عاليه ف محركات البحث،هو التحديثات المستمرة ف موقعك.
يعني لازم تنشر محتوى قيم ومفيد بصورة مستمرة و (related) بالجمهور؛عشان ت (rank) ف النتايج الاولي ف ال (SERP) (search engine result page) (صفحة نتايج البحث).

- التسويق بالمحتوى هو أداة من أدوات (السوشيال ميديا listening).
يعني بتعرفك الجمهور بتاعك عايز إيه؟
مشاكله إيه؟
أحلامة وطموحاته إيه؟
بيشتكي من إيه؟
إيه اللي بيعجبه وإيه لا؟
وبالتالي تقدر تكتب له محتوى يقدر يتعامل مع كل الاحتياجات ده.

- لو مش عارف الأهمية المتزايدة للمجال حاول كده تدخل ع (عم جوجل) وتكتب ف البحث كلمة (كتابة) وشوف أول اقتراح هيظهرلك ف جوجل اسمه ايه؟
- ‏وخدلك لفة ف نتايج البحث اللي هتلقيها بالألآف.

-كتابة المحتوي هيا اللي تخليك تحقق نتايج من إعلاناتك الممولة.
ولو شايف ان نتايج الاعلانات بتاعتك كويسة،
ف كتابه المحتوى هتحققلك أضعاف الارقام الحالية، وهتخليها أكوس.😁

-التسويق بالمحتوى بتعرفك رأي العميل فيك،وف الخدمة/المنتج؛وبالتالي تعرف تغير وتطور فيهم ع حسب رغبة العميل وتزود ارباحك.

-التسويق بالمحتوى طريقة لعرض مزايا منتجاتك وخدماتك بتكلفة أقل.

- التسويق بالمحتوى هو أداة استقصاء أو (survey) واقعية وعملية جدا.وبتعرف من خلالها التريند بتاع ال (customer behaviour) بتاع العميل واخدنا ورايح بينا ع فين؟

لإنك بتعرف تعمل من خلاله (research) بأرخص طريقة.ومن خلاله تقدر تسال العميل ع أي حاجة تقدر تغيرها أو تطورها ف خدمتك/منتجك،وتعدل وتعرف رد الفعل هيكون ازاي قبل ما تعمل حاجة، وتكون رميت فلوس/وقت/مجهود ف بحر البيزنس.
ده غير ال (loyalty) وحاجات كتيرة مش هيقضيها بوست واحد لعدها.

- التسويق بالمحتوى مش شوية بوستات وتعملها إعلان ممول مع شوية صور مكتوب عليها اشتري وتخفيضات والحق قبل نفاذ الكمية من مصنعنا.😃

- ‏التسويق بالمحتوى بيعتمد ع حاجة اسمها ال (inbound marketing).
وهيا طريقة اقدر أخلي بيها الجمهور بتاعي مهتم باللي انا ببيعه من خلال المحتوى اللي بقدمهوله لحد ما يتعلق بالمنتج/الفكرة العامة للموضوع.

طب نضرب مثال عشان نقرب المسافات:😀

لو انا ببيع وبسوق لمنتج ليه علاقة بالتخسيس.
هكلمه عن:
-ازاي تخس؟
-السعرات الحرارية لكل وجبة.
-ليه لازم تخس؟
-إيه الفوايد اللي هتعود عليك لما تخس؟
-أيه الأضرار اللي هتحصلك لو مخستش؟
-أهمية ممارسة الرياضة.
-الأكل الصحي.
وأفكار تانيه كتيييير.
لحد ف الأخر أخليه مقتنع بالفكرة العامة اللي حوالين المنتج/الخدمة بتاعتي.
وف أخر مرحلة من مراحل ال (funnel) اللي هيا  مرحلة ال (decision) ابدأ اقوله إني ببيع منتج كذا كذا يقدر يخليك تخس،وتعيش بصحة كويسه، ويبقا شكلك حلو،وعندك ثقة ف نفسك.
وميزته كذا كذا....إلخ.(الفكرة سريعة جدا عشان البوست ميجنحش).😁

مثال٢:

لو انا بسوق لكورس تسويق.
بعمل للعميل محتوى بيتكلم عن أي موضوع ليه علاقة من قريب/بعيد عن التسويق والجمهور المستهدف يحب يشوفه.
وبمشي برده معاه خطوة خطوة لحد ما ياخد قرار الشرا اللي انا عايزة.
 والمراحل دول خمس مراحل اسمهم ال (marketing funnel) بتطبق ع أي بيزنس.

وبناءا ع المثالين دول:

تخيل معايا!
لما اقدم للعميل معلومات (بشكل مجاني)،وأساعده إن حياته تبقا افضل مما هي عليه،وأحلله كل مشكلة بتواجهه،وأكلمه كأني حريص ع مصلحته،ومش ببخل عليه بأي معلومة،وبحسسه من خلال التعامل بينا اننا صحاب.
 وبعد كده اعرض عليه يشتري منتج/خدمة هيحلله المشكلة اللي احنا قعدنا نتكلم وندردش حواليها ف كل المراحل الخمسة بتاعتنا.
مش هيشتري؟!

لا طبعا هيشري!

١) هيشتري لأني هقنعه بفايدة بالمنتج/الخدمة وإني أحسن من المنافسين،وبالفوايد اللي هتعود عليه بعد الاستخدام.

٢) هيشتري لأنه هيكون حاسس إنه عايز يرد الجميل بتاعك ف تثقيفه،تعليمه،حل مشكلاته بشكل مجااني...
وده مبدأ ف علم النفس الاجتماعي اسمه (رد الجميل) (reciprocity).

٣) هيشتري لأنه وثق فيك من خلال انك بنيت معاه علاقة صداقة قوية ع مدار طول الفترة اللي قدمتله فيه المحتوي المتنوع والقيم بتاعك.

٤) هيشتري لأسباب كتيرة هو هيحسها من خلال كل قطعة محتوي بقدمهاله.

ف النهاية!
(الكونتنت كريشان) مجال كبير ومهم ومن أهم المجالات دلوقتي اللي يحتاجاها أي بيزنس عشان يقوم،ويتشهر،ويكبر،وأرباحة تزيد،ويبقا عنده ولاء من العملا بتوعه،وأهداف كتيرة تانية بيسعى ليها أي بيزنس يقدر التسويق بالمحتوى يحققها.

والبوست الصغير ده كان محاولة صغيرة مني عشان أنور الطريق للي عايز يتعرف ع المجال بتاعنا قبل ما يدخله.

ومحاولة لإقناع أي صاحب بيزنس بأهمية مجال كتابة المحتوى،ودوره ف بناء شركته ط،وزيادة أرباحه.

وهيكون فيه ان شاء الله ف الأيام الجاية بوستات تانية كتيرة بتشرح حاجات متعلقة بمجال صناعة المحتوى هتفيد أي حد داخل المجال وعايز يتعلمه.

ف اعمل شير للبوست عشان يوصل لأي حد مهتم بالمجال أو أي حد صاحب بيزنس؛عشان يتابعوا معانا بقيت البوستات المفيدة الجاية بإذن الله.ولك الاجر بقا وحسنات كتيرة ياعم!😍

أسابقكوا ع البوست التاني!
ولو عندك اي سؤال؛مستنيك تحت ف التعليقات!😃
 ‏

سلاموا عليكوا يا محترمين!😍😍