انا مبتدأ فى المجال و اول مشكلة واجهتها كانت خطة التسويق وللاسف كل واحد على اليوتيوب بكلام شكل وخطط شكل فأنا جمعت شوية من الكلام دا ورتبتو فى خطوات هكتبهم هنا عشان مخدش يعنى نفس المعاناة دى 😂
ملحوظة : المقال طويل لان التفاصيل كتير وياريت لو فى خطأ فى كلامى حد يصلحو عشان كلنا نستقيد ، فى كلام انا اللى مرتبو بناءا على اللى سمعتو
الخطة الرئيسية فى التسويق اسمها SOSTAC وهى 6 خطوات بعدد الحروف وكل خطوة يندرج تحتها خطوات
1- Situation analysis :
الخطوة دى مقسومة 3 اجزاء ( المنتج او الخدمة - المنافسين - الجمهور او segmentation )
المنتج او الخدمة : لازم تبقا عارف كل تفصيلو صغيرة عن المنتج بتاعك ، مواصفاتو مميزاتو صور المنتجو هكذا ، أفضل قاعدة تنهى الحزئية دى قاعدة اسمها Simon Circle ودى عبارة عن قاعدة بتقولك انك لازم تبقا عارف كويس اوى اوى اوى 3 حاجات عن المنتج بتاعك هما ( ايه المنتج دا - اتصنع ازاى او ايه مميزاتو - ليه المنتج دا افضل من نظيره فى السوق ) لو عرفت اجابة ال 3 اسئلة دول هتقدر تقنع اى عميل انو يشترى منك
المنافسين : لازم تبقا عارف منصات التسويق اللى بيستعلوها ، بداية الانشاء وعدد المعجبين ، اكتر نوع اعلانات بيستعملوه ، مستوى صفحة الويب لديهم وهكذا كل ما تجمع معلومات اكتر تستفيد اكتر وافضل طريقة تجمع بيها المعلومات دى هى SWOT
S معناها نقاط القوة
W نقاط الضعف
O الفرص
T التهديدات
مش شرط تعرف تطلع التهديدات لان ليها استخدامات تانية فى مواضع تانية
تحديد الجمهور : الجزئية دى تحديداً فيها رغى كتير جدا لكن ابسط طريقة تعرف بيها جمهورك هو انك تشوف جمهور الصفحات اللى بيقدمو نفس المنتج وهقولك ازاى تستهدفهم لكن خد بالك الخطوة دى اللى بيعتد عليها نجاح الاعلان او فشلو
2 - Objective : ودا هدفك العام من الخطة التسويقية ويقضل تحدده مع العميل
3- Strategy : ودا بتقسم فيه الهدف لأهداف أصغر
4 - Tactics : ودا تقسيم الاهداف لأهداف اصغر ، قبل ما اكمل نشرح ال 3 دول بمثال شوفته من اليوتيوب
مثلا انت دولقتى عاوز تتجوز دا ( Objective) يبقا لازم تكون نفسك ( Strategy ) هتكون نفسك من خلال انك تشتغل كذا و كذا و كذا ( Tactics )
نكمل شرح ال Tactics 😅😂
مش هكدب عليك الخطوة دى بالذات بتختلف من منتج لمنتج ومن خدمة لخدمة ممكن اللى ينفع معاك مينفعش مع غيرك وهكذا لكن دى شوية حاجات بتساعد جدا فى نجاح الخطوة دى
منشوراتك فى الصفحة لازم تبقا منوعة ومتنوعة بمعنى انك لازم بوستاتك تبقى بين معلومات عن المنتج معلومات عن المجال معلومات ميفهمهاش غير اصحاب المجال مسابقات وهكذا
اهتم بالعروض والهدايا فى بوستاتك
ركز على اعلانات الفيديو ، سعرها قليل وبتعمل reach كويس
خطوة الجمهور اللى قولت عليها فوق ، عشان تحدد الجمهور ببساطة ودقة عالية ابحث قى سيرش الفيس عن صفحات موثقة بتقدم نفس الخدمة بتاعتك ، خد اسم الصفحة كوبى ، اثناء ما بتعمل الاعلان حد الصفحة دى ك اهتمام فى بند ال interests
5- ِActions : ودى بتحدد فيها بقا هتعمل الكلام اللى فوق ازاى وامتى ومين هيعملو يعنى باختصار بتحول الكلام اللى على ورق ل حقيقة
6- Control : ودى بتراقب بيها تقدمك ، هل الاعلانات فعالة هل انت ماشى ناحية الهدف ولا لا
بس كدا شوفت سهلة ازاى😂
تعليقات
إرسال تعليق
شكرا لك علي التعليق