تعلم كتابة المحتوي Contact و الربح منه
في مقال النهاردة هنشرحلكم مهارة من اهم مهارت اللي لازم تبقي موجودة عند الكونتنت
أهم مهارة لازم تبقا عند أي كاتب محتوى !
لو معندكش المهارة ده صدقني عمرك ما هتكتب محتوي تعرف تنافس بيه المنافس و تعلي عليه !بلاش (suspense) كتير وندخل ف الموضوع ع طوووووووول !
النهاردة هنتكلم عن مهارة البحث
وهيا من أهم الخطوات -إذا مكنتش أهم خطوة- بنعملها عشان نكتب محتوي
مميز،
قيم،
حصري،
بريميم،
واللي محدش من المنافسين عمل زيه قبل كده، وصعب كمان يعمل زيه بعد كده.💪
طب إيه فايدة الخطوة ده ف كتابة المحتوى؟
-من غيرها:
١) مش هتعرف تتكلم عن موضوع من (الألف للياء) أو يكون محتواك ( Guide) للجمهور اللي انت مستهدفه.
وده المحتوي اللي بيحبه جوجل وبيطلعة ف مرتبة عالية جداااً ف صفحة نتايج محركات البحث.(SERP).
٢) مش هتعرف تعمل كوبي حلوة لو مبحثتش كتير، وشوفت أراء ووجهات نظر كل كاتب محتوى ف المجال اللي انت هتكتب فيه؛عشان تكوّن وجهة نظر شخصية ليك أو تعرض كل وجهات النظر ف الموضوع ده.
٣) هتكتب محتوي فقير وعادي جدا.
وانا مرضهالكش الصراحة !🤧
٤) مش هتعرف انت كتبت محتوي حلو من حيث القيمة ولا لأ؛عشان انت مشوفتش غير نفسك ف مراية المحتوى بتاعك،ومشفتش شكل غيرك ف مراية محتواه كان عامل ازاي ؟🤷♂️
ما يمكن هو أشيك يا جدع ! 😅
بهزر معاك !
انت برنس بردة بس اعمل بحث وكثف جهود الماوس ف الضغط ع اللينكات ودور ف كل حته.
بيها بقا :
١) هتفتح عنيك ع مواقع ومواضيع مكنتش تعرف عنها حاجة.
٢) هتخليك عندك ثقافة ف مجالك اكتر من أي حد تاني.
٣) هتخليك ملم بكل حاجة متعلقة الموضوع اللي بتكتب فيه؛وبالتالي تعرف ترد ع أياتوها سؤال أو نقد أو استفسار من ال (audience) اللي هيعلقوا ع محتواك !
لأنك لو كتب معلومة مش واثق فيها أو غلط ال (audience) مبيرحموش وانت سيد العارفين !😄
كلنا بنغلط اكيد،بس حاول تقلل من غلطاتك ع قد ما تقدر.👌
٤) هتخليك تجمع أفكار لحاجات تانية انت شغال عليها،وهتخليك تجيب أفكار من مجالات تانية للمجال بتاعك،وهتقدر تربط بينهم بطريقة حلوة تخليك تجيب أفكار رهيبة وإبداعية محدش عملها قبلك.
مثال صغير:
وانا بقلب وببحث ف موضوع قبل كده فيه صورة عجبتني جدا عبارة عن:
واحده لابسه لبس رياضي وواقفه ع خط سباق مع نمرين.
خدتها وحفظتها ودارات الايام ومسكت براند بيقدم وجبات صحية وكده وبيساعد ع انقاص الوزن.
ووانا بقلب ف دفاتري القديمة لقيت الصورة واستخدمتها مع اني لما حفظتها ساعتها مكنش ليها استخدام عندي بس أول ما شوفتها حفظتها وبقا ليها احتياج جامد بعدين !
وغيرها وغيرها كتير من الأمثلة يعني لا يسع البوست الصغير لذكرها...
الخلاصة عشان المقال ميطولش عشان فيه ناس مش بتحب المحتوى الطويل!
وبالمناسبة هيكون فيه مقال قريب هنتكلم فيه عن المحتوى الطويل أحسن ولا القصير بشكل واقعي وعملي شويتين !😅
احم
احم
المهم!
كانتنت كريتور - مهارة البحث = جورنالجي
ومعتقدش ان حد فينا كده.
خليك (دودة بحث) وخلي عناكب الزحف بتاعة جوجل اللي بيدخلوا كل موقع دول قدوة ليك.😄الزواحف مش احسن من البني أدمين يا جدع !
وخلي معاك برنامج (google keep) احفظ عليه كل الأفكار اللي تشوفها؛عشان والله هتحتاجها بعدين
وممكن ان شاء الله أصورلكوا فيديو من تليفوني اشرحلكوا فيه برنامج (Google keep) والتركات اللي كتير ميعرفوهاش جوه البرنامج😉
فلو انت مضيع (مهارة البحث) منك وشايلها من قاموسك؛هتيجي تعمل محتوى وأول ما تنشره (هيتضرب برصاصتين من المسدس اللي ف الصورة اللي قدامك ده).
ومش هينتشر ولا حد هيسمع عنه تاني؛لإنه مقدمش (value) جديدة للجمهور،وهما بالفعل عارفين كل المعلومات اللي انت كاتبها ده.
ملحوظة:
الصورة ده كنت شفتها قبل كده وحفظتها عندي مع انها برده مكنش ليها استخدام.
لكن وانا بكتب البوست ده ف لحظة تجلي كده بقلب ف (google keep) عندي لقيتها وحسيتها انها هليق كصورة تعبر عن محتوى البوست ده فاستخدمتها.
شوفت بقا فايدة البحث الكتير (مثال عملي اهوه) لا شغل سحر ولا شغل شعوذة ولا شغل المسيح الدجال حتى !😁😅😅
مهارة البحث لازم تكون عندك لو عايز تبقا واحد من المبدعين ف شغلنتنا اللذيذة ده،وتقويها،وتطورها دايما،ومتزهقش وانت بتمارسها،وتستمتع بالعملية نفسها.
بس عشان مضحكش عليك ومغشكس.
احب اقو لك اني كتب البوست ده ليك من غير بحث بسبب ضيق الوقت بس والله.😁
واللي اتكتب فوق ما هو إلا شوية خربشات ف لحظات التجليات😅
بس حبيت الفت نظرك بشكل سريع لأهمية الموضوع.
بس اوعاك تعمل زيي وتكتب قطعة محتوى من غير ما تبحث كويس.
بس كده يا شباب ويا شبات الماركتينج.
لو عجبكوا المقال اعملوله (share)😍
شكرا جدا ليكوا ع وقتكوا!😉
ولو أي سؤال أنا ف التعليقات نايم كالمعتاد!🙃
والسلامو عليكوا!😍😍
تعليقات
إرسال تعليق
شكرا لك علي التعليق