ازاى نبدا فى ال machine learning من البداية لحد الاحتراف - الزتونة الكبيرة:
------------------------------------------------------------------------1-لو عايزين نبدا machine learning محتاجين ايه علشان نذاكر online؟
2-ايه هى ال prerequisites اللازم تبقى عارفها علشان تقدر اصلا تبدا تدرس machine learning ؟
ده موضوعنا النهارده
انا هقولك انا عملت ايه و مش لازم طبعا تعمل زيى بالضبط بس ده الانا عملته يمكن تستفاد منه
اولا انا مهندس الكترونيات و اتصالات و كان ال career بتاعى الاصلى متخصص فى انظمة ال embedded system و ال automation و عادتا كنت استخدم لغة ال C فى البرمجة
من تقريبا 5 سنوات و انا بدأت اشتغل فى انظمة ال (iot) الهى internet of things و عملت بيها شغل فى مصر وخارج مصر و اتعلمت فى الوقت ده لغة ال python لان اداء لغة ال python كان رائع جدا و سهلى شغلى اكتر من ال C خاصة فى موضوع ال DATABASE و ربطها بانظمة ال iot و ال libraries مستخدمة فى ال iot
المهم بقيت بعرف python كويس و الحمد لله
كل ما كنت اتقدم اكتر فى مجال ال iot كان الموضوع بيكبر لانه بقى بيربط كل حاجة مع بعضها من خلال ال cloud فسمعت لاول مرة عن ال big data و ال AI و ربطهم بانظمة ال iot خصوصا مع ظهور ال self driving car التعتبر مزيج رائع من كل العلوم دى من embedded system الى iot الى AI الى big data ويمكن ده الشجعنى انى ادرس اكتر ال machine learning
المشاكل القابلتنى خاصة فى ال prerequisites و حكياتى مع Udacity:
-------------------------------------------------------------------------
1- مبدئيا انا كنت بعرف python كويس و كنت مبرمج محترف قبلها فى ال c فمكنش عندى مشكلة فعلية فى البرمجة
2- علشان تدرس ال machine learning لازم تكون بتعرف statistics كويس وانا كنت واخد مبادىء ليها فى الكلية بس طبعا كنت ناسى كل ده فبدأت اذاكر من مصدار كتير و بصراحة بسبب انى كنت بذاكر من اكتر من مصدر حصلى تشتيت 😇😇😇 لان " لكل شيخ طريقة زى ما بيقولو "و "على راى المثل صاحب بالين كذاب " ...و دى الغلطة المش عايزك تغلطها ...ذاكر من مصدر واحد بس خاصة فى البداية
3- لازم تكون مذاكر linear algebra كويس ...و ده كمان كنت ناسيه 😅😅 لانى مخلص كلية بقالى كتير فبدأت اذاكره من khan academy
ال ثلاث نقط الفوق دى متستعجلش عليهم خليهم ياخدو وقتهم لان هم الاساس الهيخلوك تنطلق زى الصاروخ 🚀🚀 بعد كده .... ويمكن لو انت طالب فى الكلية لسه يكون عندك ميزة انك لسه فاكر الحخجات دى ومياخدوش منك وقت كبير
زى ما قولتلك اول ما انا ذاكرت عملت تشتيت لنفسى لمذاكرتى من اكتر من مصدر بس لو انت عايز تبدا صح انصحك ب موقع udacity وابدأ ذاكر الكورسات دى و كلها for free
كورسات online:
------------------1- كورس البيثون الاكتر من رائع و هيعلمك صح باسلوب السهل الممتنع:
----------------------------------------------------------------------https://www.udacity.com/course/introduction-to-python--ud1110
و ده كمان
https://www.udacity.com/course/programming-foundations-with-python--ud036
خلص الكورسين الفاتو دول بالترتيب و هتلاقى نفسك بقيت كويس او فى البيثون
2- كورس الاحصاء و الاحتمالات statistics:
----------------------------------------------https://www.udacity.com/course/intro-to-statistics--st101
3- كورس ال linear algebra لو محتاج تراجع عليها:
------------------------------------------------------https://www.udacity.com/course/linear-algebra-refresher-course--ud953
لو خلصت دول انت هتبقى ready انك تبدا فى ال machine learning و ده ليه معايا قصة تانية
بس لو انت لسه هتبدا انصحك كمان بكورس free من udacity :
---------------------------------------------------------------
introduction to machine learning
https://www.udacity.com/course/intro-to-machine-learning--ud120
طبعا لا داعى للذكر انى اقولك انك لازم تكون مخلص كل كورسات ال prerequisites قبلما تبدا فى الكورس و بعد ما تخلص ده انت هيبقى عندك فكرة مش بطالة عن ال machine learning بس لسه مبقتش محترف
دور على الغالى لان ثمنه فيه:
------------------------------
فى كورسات كتيرة موجودة على النت بس معظمها سطحى جدا و بتشرح مبادىء بس للعايز ياخود فكرة لكن الكورسات دى مش هتصنع منك machine learning engineer قوى يقدر يصد فى الشركات الكبيرة
لو عايز نصيحتى حوط فى دماغك ان الغالى ثمنه فيه يعنى يفضل انك تاخود كورسات payed سواء كان online او تروح تحضر كورس machine learning فى مكان موثوق فيه
هتلاقى كورسات كتير باسم تعلم ال machine learning فى 5 ايام و الاسامى الرنانة دى الهتشدك....اوعى ...اوعى... اوعى ....!!!!!
اوعى تقع فى الفخ خاصة من الهنود لان التدريس عند الهنود بالذات نوع من انواع المافيا كل واحد يذاكرله كلمتين يروح رزعلك بيهم كورس ويفضل يهبد فى اى هبل وخلاص و قليل ما تلاقى كورس فعلا كويس
اول ما تلاقى الكورس يبدا بكلمة "totay we will talk about macine lelning" تعرف انك لبست خلاص وابقى قابلنى لو فهمت من امه حاجة 😅😅😅
وانا بيجيلى رسائل كتير من شركالت هندية متخصصة فى التدريب online بتطلب منى اشتغل معاها فى كورساتها فعددهم فى الليمون زى ما بيقولو وهتحتار تذاكر مع مين فاختار الكورس الصح التلاقى كمان مساحته و حجمه كبير وشوف كويس مكونات الكورس او ذاكر من كتاب online ليه اسمه و الناس بتشكر فيه ود ه الجزء الصعب
اصعب جزء:
-------------
علشان تدرسadvanced machine learning فانا انصحك تدرس ده فى مكان مرموق ليه اسمه خاصة ال deep learning و ال reinforcement learning لان بصراحة و (خودها منى كلمة ) مش هتلاقى حد هيقدملك الحجات المتطورة دى القائم عليها شغل ال machine learning كله بشكل قوى ببلاش و مجانا سواء من خلال كورسات online او كورسات تحضرها بنفسك فى مكان ما
ممكن تلاقى اجتهادات من بعض الناس على youtube بس ده مجرد بيديك فكرة او اقرى كتب زى ما انا عملت هيكون موثوق فيها اكتر من فيديوهات ال youtube
طيب عيب الكتب و ميزتها ايه؟:
-----------------------------
ميزة المذاكرة من كتاب:
-----------------------
1- الكتب هتكون اعمق بكتير من الكورسات العلى youtube و مش هتكون سطحية
2-معظم الكتب دى هتلاقي منها نسخ PDF ومش هتدفع فيها فلوس يعنى for free
3- معظم الكتب دى تقدر تدور على ال rate بتاعها و تعرف مصداقية الكتاب و راى الناس فيه اكتر من اى كورس online لان ديما هتلاقى سواء القارىء او الكاتب القام بتاليف الكتاب اكتر جدية و عمق فى تقديم المعلومة
عيب المذاكرة من كتاب:
------------------------
لازم نعترف ان ال machine learning دراسة صعبة فمذاكرتها من كتاب من غير ما اى حد يشرحلك هيبقى رخم شوية و هتاخود منك وقت كتير و مجهود كبير اكتر من مذاكرة كورس online علشان لو فى topic معين مش مشروح كويس فى كتاب فانت هتفضل تدور على ال topic ده فى كتاب تانى لذلك انا انصحك لو فى عندك القدرة المادية انك تاخود كورس مدفوع سواء online او عن طريق الحضور فى مكان موثوق فيه فده هيسهل الطريق اوى وهيسرع عملية وصولك لهدفك و هو انت تبقى
machine learning engineer محترف
كورسات online for advanced machine learning:
------------------------------------------------------------انا قولتلك ان الغالى ثمنه فيه و الكورس الهقولك عليه دلوقتى ده هو عمهم كلهم و بعتبره الاقوى فى العالم على الاطلاق فى مجال ال machine learning 💪💪 بس فى نفس الوقت الاغلى فى السعررررررررر
كورس udacity:
------------------
machine learning engineer nanodegree
و ده اللينك بتاعه :
https://www.udacity.com/course/machine-learning-engineer-nanodegree--nd009t
الكورس مكون من:
-----------------
- 2 تيرم
- مدة كل تيرم 3 شهور (6 شهور دراسة للتيرمين)
- كل تيرم ثمنه 12300 جنيه
- يعنى كله على بعضه ب 24600 جنيه 😅😅😅 ...اه عارف انه غالى و غالى جدا كمان بس بعد ما درسته فرق معايا جامد اوى ...بصراحة يستحق فلوسه
انا اول ما بدأت الكورس كان عندى فكرة كويسة جدا عن تقريبا 70% من محتوياته وده بسبب انى بقالى سنين بذاكر من كتب ...بس ديما بقول لنفسى انى لو كنت اخدت الكورس ده من زمان كنت اختصرت وقت و مجهود كبير فى البحث و التدوير
فالكورس ده من الاخر هينجزك لو قدرتك المادية تسمح بده
علشان اكون صريح معاك اكتر انا مدفعتش فيه فلوس لانه كان منحة تدريبية من الشركة الانا شغال فيها لانهم كانو محتاجين اوى الحجات ال advanced الموجودة فى الكورس ده فى شغلنا
بس بصراحة بعد ما درسته قولت لنفسى ان رغم الزهر لعب معايا 🕺🕺💃 😃 و اخدت الكورس ده ببلاش الا ان لو الزمن كان رجع بيا للخلف كنت اخدته على حسابى ووفرت سنين التعب و البحث فى الكتب
تعالو بقى نتكلم عن الكورس نفسه شوية بتفصيل اكبر
UDACITY- MACHINE LEARNING NANODEGREE:
--------------------------------------------------------------------
تحذير:
-------
فى مثل بيقولك "اليحضر العفريت لازم يعرف يصرفه او يتحمل ازاه!!!" 😀😀
عارفين المثل ده ؟!!!!.... المثل ده بالظبط بينطبق على الكورس ده
الكورس ده كورس ADVANCED جدا جدا جدا
يعنى اوعى الشيطان يغرك و يخليك تسجل الكورس ده لو ظروفك المادية مساعداك من غير ما تكون مخلص ال PREREQUISITES القولنا عليها فوق
و كمان لازم تكون مخلص كورس ال INTRO TO MACHINE LEARNING الموجود FOR FREE
اعرف حاجة مهمة :
---------------------
موقع UDACITY من المواقع المبتهزرش خاصة فى ال PREREQUISITES....يعنى لو قالك " لازم تضرب اتنين كبدة و تلاتة حواوشى قبل الكورس !!!"....تضربهم من غير ما تتكلم لانك هتتفاجىء انهم مهمين فى الكورس (طبعا انا بهزر 😃😃😃 بس مبهزرش فى اهمية ال PREREQUISITES)
صاحب udacity واحد المحاضرين فى الكورس هو سبيستيان ثرن و هو بروفيسور فى ستانفورد و يعتبر الاب الروحى ل self driving car فى العالم كله و كل ال team البيدرسك كورس ال machine learning مهندسين من شركة google او من amazon او من kaggle علشان كده الكورس ثمنه غالى لانك بتدرس على ايد نخبة النخبة فى العالم فى المجال ده ......يعنى من الاخر team فشيخ مش جاى يهزر معاك و لا جاى يضيع وقته معاك فى مبادىء ال machine learning
ال team ده هيتعامل معاك من day one فى الكورس انك واكل ال prerequisites مش بس فاهمها
ولو فكرت مجرد تفكير انك تسجل الكورس من غير ما تكون مغطى ال prerequisites كويس ....فانا اسف انى اقولك انت مش بس هتلاقيه صعب ... انت فعليا هتتفشخ ( تسقط وفلوسك تضيع عليك)
مسار الكورس :
----------------
1- المقدمة:
-------------
و دى مقدمة عن الكورس (وبتبدا بامتحان على طول 😅😅 على السخن كده )
و فيها الامتحان ده بيختبر الانت تعرفه فى ال prerequisites وا بيطلب منك تعمل برنامج يتنبا عن الناجين من السفينة titanic يعنى هل الشخص ده نجى او مات بناء على معلومات عن الشخص ده مثلا الشخص ده راجل او ست و عمره كام و كان على الدرجة اولى او الثانية فى السفينة وهكذا
2- الموديول الاول فى الكورس و هو Model Evaluation and Validation:
---------------------------------------------------------------------------------
و ده بيجرى فيه بسرعة جدا على الكلام الانت ذاكرته فى ال prerequisites مش كشرح لكن كمراجعة يعنى لازم تكون مذاكر ال prerequisites كويس قبل الكورس نفسه
بعد كده بيكون فى project ل كل module:
--------------------------------------------
و ال project الخاص بالموديول ده بيكون عن انك تعمل نظام prediction يتنبا بسعر المنازل فى بوسطون بالوالايات المتحدة
3- الموديول الثانى supervised machine learning:
-----------------------------------------------------------
بتدرس فيه احد اهم انواع ال machine learning و الاكثر استخداما حتى الان و فى نهايته بيكون فى project طبعا زى كل module
و ال project هو:
-----------------
بيكون عندك data خاصة بشريحة كبيرة من الناس و الدخل بتاعهم و تعليمهم و معلومات شخصية عنهم ويطلب منك تعمل نظام يتنبا لوحده على احتمالية موافقة كل واحد من الناس دى للتبرع لجمعيات خيرية (يعنى هيوافق او هيرفض) بناء عن معلومات المسبقة عنه زى التعليو و الدخل و الحالة الاجتماعية و عدد افراد الاسرة الخ الخ الخ
4- الموديول الثالث deep learning:
--------------------------------------
من اول ال deep learning و هيفرق معاك اوى انت كنت فعلا مذاكر ال prerequisites كويس ولا لا ....لان الموديول ده صعوبته فى انه هيفرض بشكل كامل انك فاهم كل كلمة فى الكورس اتقالت قبل الموديول ده و هيكون فيه اكتر من project و بيظهر اوى قوة ال deep learning فى المشاريع الليها علاقة بال image processing
الproject الاول:
------------------
بيطلب منك انك تعمل برنامج يتنبا بمرض سرطان الجلد و يحدد كمان درجة عمق المرض وتطور حالته من بناء على صور لاجزاء الجلد المصابة بالمرض
ال project الثانى :
---------------------
يمكن ده كان من اكتر المشاريع الممتعة فى الكورس و فيه بيكون عندك data مكونة من 50000 صورة لانواع مختلفة من الكلاب تقريبا 133 فصيلة مختلفة و بيطلب منك تصمم برنامج يتعرف على صورة اى كلب و يحدد نوعه و درجة نقاء السلالة حتى لو كانت الصورة دى طبعا مش من ال50 الف صورة الاصليين يعنى من الاخر هتحول الكومبيوتر بتاعك لخبير فى فصائل الكلاب والشىء الطريف انه بيطلب منك كمان تدخل للكومبيوتر صورة انسان و تقدر تحدد من خلال البرنامج ان ده انسان و كمان يطلب منك تحدد لو كان الشخص ده كلب كان هيبقى نوعه ايه من الكلاب (مثلا German shepherd )
الموديول الرابع Unsupervised Learning :
--------------------------------------------------
هتتعلم فيه اكتر من طريقة لل clustering وطبعا لو مش عارف ايه هى ال clustering فان شاء الله المحاضرة القادمة (الرابعة) هنتكلم عن كل نوع من ال machine learning و اهم المصطلحات فيه
ال project الاول:
--------------------
هيكون مطلوب منك تعمل برنامج يتنبا بمجموعة الافلام ال هتكون recommended ليك انك تشاهدها بناء على اختيراتك لافلام سابقة و اكيد حضراتكم ديما بتلاحظو ده فى مواقع الافلام
ال project الثانى:
--------------------
تقدر تتنبأ بنوع محل (يعنى هل هو مطعم او سوبرماركت او كوفى شوب) بناء على قائمة مشترياته من الموردين و سوق الجملة
ال project الثالث:
--------------------
بيطلب منك انك تعمل face recognition لمجموعة من زعماء العالم و ان الكومبيوتر يتعرف عليهم لوحده
الموديول الاخير (هتقابل الوحش) Reinforcement Learning:
------------------------------------------------------------------
ده فعليا اصعب موديول فيهم على الاطلاق و بياخود وقت كتير جدا فى المذاكرة و محاولة الوصول للحل
عارف المثل البيقولك " لو عايز تعلم ابنك العوم روح وارميه فى البحر" 😅
ده exactly الانت هتعمله ....حضرتك مش هتعطى الكومبيوتر اى data يتعلم منها و هتقوله طبش مع نفسك و اغلط و اتعلم من الغلط و ده يعتبر سلوك شبه بشرى بشكل كبير لذلك يعتبر اصعب موديول
الproject:
-----------
والله ال موديول ده خيره كتير 😅😅 وال مشاريع بتاعته لا تعد ولا تحصى بس اهمهم و هو ال project الاخير و بيطلب منك فيه انك تفرض ان عندك طائرة ذاتية القيادة (واخد بالك انت بيقولك طيارة مش حتى عربية 😆😆😆) و مطلوب منك تخلى الكومبيوتر يتعلم يسوقها لوحده من غير ما تديله اى معلومات عن قيادة الطائرات
مشروع التخرج:
----------------
فى نهاية الكورس بيكون مطولب منك تعمل مشروع تخرج من اختيارك و تقدم ورقة بحثية بمعايير عالمية زى معايير google و kaggle و فيها بيعصروك عصر علشان تطلع كل العلم المفروض انك اتعلمته فى الكورس و فى النهاية بتحصل على شهادتك بعد ما تقدم الورقة البحثية بتاعتك بكل البرامج و الاكواد التثبت انك حققت هدفك من ال final project
ده باختصار الطريق الهتمشى فيه لو قررت تبقى machine learning engineer
ان شاء الله المحاضرة القادمة هنتكلم عن انواع ال machine learning فى كل موديول بتفصيل اكتر
ارجو انى اكون ساهمت ولو بمقدار بسيط فى رسم طريق لاى حد حابب يدخل المجال
تعليقات
إرسال تعليق
شكرا لك علي التعليق