الجيوب الأنفية والغلبان اللى عنده التهاب فيها .
التهاب الجيوب الأنفية فظيع لدرجة إنه قادر إنه يشل حركة المريض زيه زى الالام الأسنان بالظبط و المغص .
بسبب الصداع الرهيب اللى بتعمله و الدوخة و الإجهاد و التعب والضعف الرهيب المصاحب والأيام دى أيام تعبهم جو بارد وجاف الله يكون بعنهم بيعانو الوقتى .
شوف القصة دى معظم أسبابها ضعف مناعة بإمتيار وإذا ذكر المناعة والبرد ذكر معهم ريا و سكينة البصل والثوم .
١- البصل والثوم :- تسمع عن البنسلين طب أيه رأيك إن الأتنين دول أفظع و أقوى من البنسلين خدهم بإنتظام وبعدين مش لازم قوى تخدهم نايين لا عادى جدا ممكن نحطهم فى الشوربة مع واحد تالت هقولك عليه فى المقال بتاع النهاردة برضه المهم صحيفة التليجراف البريطانية بتقولك بعد ماتاكل البصل والثوم اشرب كوب لبن كامل الدسم عشان الريحة بتاعت الفم .
٢- الإخنسيا :- عندنا وفى الصيدليات دا الجميل العسل الأمريكانى ده ودا بقه فيه ميزتين مضاد حيوى ليس له مثيل ومضاد حساسية رهيب يعنى عصفورين بحجر واحد ودى صورتى وأنا فى أمريكا كنت بفترى على زهرة أخنسيا وقطفها والصراحة مش فاكر ماسك جيبى ليه الظاهر كنت خايف على حاجة فيه .
٣- ورق الكافور :- الشجر ده موجود فى مصر فى كل حتة ودى وصفة مجانية لعظم وجوده ومحدش يعرف فوايده هوه بيتزرع فى مصر كمصدات للرياح عشان الفدادين زرعها الريح ميخربوش اسمها الحقيقى يوكالبتوس ودى ليها طريقتين فى الإستعمال يا تفركه وتشمه و تحطه على مكان الصداع هيروح فورى زى أبو فاس كده وتتسلك العملية يتنشفه وتشربه شاى ومتخافش مش ده اللى بيستخدموه فى الجيش خاف على نفسك بس من شرب الينسون كتير واللى هذكره بعد كده راخر .
٤- البردقوش :- بص رهيب فى علاج الجيوب الأنفية بجد وبعد إشربه وشمه كده واستمتع بس بقولك ايه يبقى استحمل صداع الجيوب الأنفية خميس وجمعة لو أنت راجل أما لو ست عادى عادى دا جميل ليكى .
٥- الجنكو :- دا بقا المعلم الكبير اللى مش بس هيخلصك من حساسية والتهاب الجيوب الأنفية لا دا كمان الأهم هيعالج دوختها و إحساس الإجهاد و التعب المصاحب ليها الجنكو عندنا وموجود بكل الصيدليات .
٦- الفجل :- مينفعش تكون مريض جيوب أنفية ومتستخدمش الفجل بإنتظام دا مضاد حيوى بيمسكك يطهرك حتة حتة من أول مناخيرك وجيوبك الأنفية وجهازك التنفسى وجهازك الهضمى حتى المجارى البولية دبابة ماشية تقتل فى الأعداء ضيفه على شوربة البصل والثوم وعيش حياتك بدون مرض .
فى النهاية لك أن تتخيل إن أكل عيش قلبك قايم على الأكسجين دا من عظم أهميته للقلب القلب عامل للرئة دورة دموية مخصوصة اسمها الدورة الدموية الرئوية أو الدورة الدموية الصغرى اللى اكتشفها ابن النفيس وكذلك دماغك بتستهلك ٦٠ ليتر أكسجين يوميا أى خلل فى جيوبك الأنفية بيجهد دماغك وقلبك فمتهزرش فى علاجهم .
شير لغيرك عشان الغلابة مرضى الجيوب الأنفية وأدعولهم فهم الأن يسألون .
دمتم بصحة ❤️
Dr. Mariam Adel Elmazaty
تعليقات
إرسال تعليق
شكرا لك علي التعليق