كيفية تزويد مشتركين يوتيوب مجانا - تزويد 1000 مشترك يوتيوب - تزويد 4000 ساعه مشاهدات يوتيوب مجانا 2020

ازاي تعمل (SWOT ANALYSIS) من الألف للياء بالتفصيل,وبشكل عملي كمان؟!

لو انت offline marketer أو social media marketer أو حتا content marketer،يبقا المقال ده ليك،لاننا هنقولك ازاي تعمل (SWOT ANALYSIS) بشكل عملي.

لأنها تعتبر أول حاجة أي حد فيها كمسوق لازم يعملها أول ما يمسك أي شغل لعميل/شركة،يعني مفيش هروب😁.

وفي آخر المقال هنطبق كل اللي اتعلمناه فى المقال علي مثال واقعي(case study).

أول حاجه يعني ايه أصلا (SWOT ANALYSIS)؟!
هو ليه كذا إسم زي (internal-external analysis)/ (التحليل الرباعي).
والتحليل ده عبارة عن أداة من أدوات ال(situation analysis)(تحليل الموقف).

يعني احنا بنعمل (سيتويشنول أناليسيز)عن طريق أداة ال(سوات أناليسيز).
وده تعتبر أول خطوة لازم أي بيزنس يعملها لما يجي يحط الخطه بتاعته.
وهيا ببساطه تعتبر مقارنه بينك وبين منافسينك اللي ف السوق .

وكلمة أصلا (situation analysis) يعني تحليل الموقف.
موقف إيه لامؤاخذة؟
موقفك ف السوق بين منافسيك.انت واقف فين وهما واقفين فين؟وإيه المسافة والفرق بينكوا؟😃

فبالتالي أول خطوة لازم تعملها عشان تحط خطة لأي حاجه،إنك تعمل التحليل ده😃

تان حاجه بقا،هيا كلمة(sawt)ده بترمز لايه؟!
١)الS:اختصار لكلمة(strength)(نقاط القوة): وده الحاجات الايجابية اللي عند شركتك،واللي تقدر تطورها للأحسن.فتعتبر عامل داخلى(جوه شركتك وتقدر تتحكم فيها).

طب زي ايه بقا نقاط القوة ده؟
١)انك مثلا عندك ويب سايت وبلوج،وال(user experience) بتاعهم كويس جدا،وبيشدوا الجمهور،ويخلوهم يقعدوا عندك أطول وقت ممكن😃

٢)عندك(designer)شاطر بيعملك كل التصميمات اللي بتحتاجها ف الموقع، أو البلوج،أو السوشيال ميديا.😃

٣)سعر منتجك/خدمتك أرخص من المنافسين.😃

٤)الشركه بتاعتك موجوده ف مكان حيوي واستراتيجي.😃

٥)عندك خدمة عملا ممتازة،وبتعرف تتعامل مع العملا بشكل محترم،وبتعرف كمان تكمل مع العميل خدمات مابعد البيع بشكل كويس لحد ما يبقا عنده ولاء ليك.😃

٦)بتستخدم علم ال(content marketing) وال(inbound marketing methodology) ف بناء علاقة قوية مع الجمهور،وبتقدملهم قيمة قبل بيع المنتج أو الخدمة،وبتفيدهم ع قد ماتقدر وهكذا...😃

طب بعد ماعرفت نقاط قوتي المفروض اعمل إيه بقا؟!
البديهي طبعا انك تحاول باستمرار إنك تطور وتعزز نقاط القوة ده؛عشان محدش من المنافسين يقدر يعمل حاجه زيها أو يقلدها،وتبدأ تستغل نقاط القوة ده لصالح منتجك،أو خدمتك،ولصالح العملا بتوعك.😎

٢)الw:وهيا اختصار لكلمه(weaknesses)(نقاط الضعف):وده هيا الحاجات السلبية اللي عند شركتك،اللي برده الشركه تقدر تتحكم فيها.فلازم تغيرها وتطورها للأحسن.فتعتبر برده عامل داخلي(الشركة نفسها تقدر تتحكم فيه).

وتقدر تقول ان نقاط الضعف هيا الحاجات اللي عند الشركات المنافسة ومش موجودة عندك.

وتعتبر نقاط الضعف عكس نقاط القوة.

يعني احنا قولنا ف نقاط القوة إن مثلا:
عندك موقع وبلوج وكده،فلو معندكش موقع وبلوج والمنافسين عندهم،تبقا ده نقطة ضعف عندك.
وهكذا بقا مع كل الأمثلة اللي قولناها ف نقاط القوة هاتها واعكسها.

ولو لقيت فعلا ان الحاجات ده عند المنافسين ومش موجوده عندك يبقا كده نقطة ضعف عندك-واحد صفر للمنافسين-😞

طب المفروض اعمل إيه ف نقاط الضعف ده؟!
لازم طبعا تشوف طريقة تحول بيها نقاط الضعف لنقاط قوة.
يعني مثلا:
لو معندكش ويب سايت؛لازم تعمل واحد/ لو موظفين خدمة العملا بتوعك مش بيعرفوا يتعاملوا مع العملا بشكل كويس؛ لازم تديهم تدريب وترشحلهم كمان كتب يقروها عشان يحسنوا من مستواهم؛عشان يعرفوا يتعاملوا مع العملا بشكل أكثر احترافيه/لو سعرك عال لازم تحل الموضوع ده.

وهقولك ازاي تعمل كل ده ف آخر المقال،ف المثال اللي العملي اللي هنشرحه بالتفصيل😉

٣)الO:وهيا اختصار لكلمة(opportunity)(الفرص المتاحة):وده هيا الحاجات الخارجية الإيجابية اللي الشركه ملهاش دخل ف حدوثها،ولازم الشركه بتاعتك تستغلها لصالحها،ولصالح عملاءها.😉

طب الفرص ده زي ايه بقا؟!
١)إن الحكومة أو البرلمان-بعد الشر يعني😁-أقر قانون بتخفيض قيمة الضرايب المفروضه ع المنتج/الخدمة اللي بتقدمها!
المفروض انت بقا تستغل الخبر السار ده بإنك-بعد الشر برده😁- تخفض سعر المنتج أو الخدمة بتاعتك شويه؛وبالتالي تجذب شريحة أكتر من العملاء،أو مثلا تعمل عروض للعملا بمناسبة الخبر ده وتزود مبيعاتك،وتحصل ع عملا جداد،وتكسب ولاء العملا القدام😉

٢)وجود تكنولوجيا جديدة بتسمحلك إنك توصل لعملاء أكتر،أو تتواصل مع العملاء بتوعك بشكل أكثر فاعلية.

٤)الT:وهيا اختصار لكلمة(threats)(التهديدات المحيطة):وده برده تعتبر من العوامل الخارجيه السلبية،اللي الشركة متقدرش تتحكم ف حدوثها ،اللي بتأثر ع الشركة بتاعتك،وممكن تسببلك خسارة مادية أو خسارة عملاء.فلازم تحاول تبعد عنها،أو تقللها بأقصى قدر ممكن.

ونقدر برده زي مااعتبرنا إن نقاط الضعف عكس نقاط القوة،
فالتهديدات المحيطه برده عكس الفرص المتاحة.

يعني مثلا:
احنا قولنا ف المثال اللي فات ان لو الحكومة أو البرلمان خفضوا الضرايب من عليك تعمل إيه.
طب لو عكسنا بقا الافتراض ده وقولنا انهم فرضوا ضرايب زياده ع منتجك او خدمتك،فده هيكون بالنسبالك تهديد.فهتعمل إيه بقا ساعتها؟!
ساعتها مثلا ممكن تضطر إنك ترفع أسعارك شويه؛ونتيجة لده ممكن الطلب ع منتجاتك أو خدماتك يقل،فتحاول مثلا تعوض العملا بحاجه زيادة تانية،زي إنك تمد فترة الصلاحية،أو تعمل صيانة دورية للمنتج لمدة(٣)شهور (مجانا)،أو تزود قيمة المنتج أو الخدمة بتاعتك ف عيون العملاء من خلال رسايلك التسويقيه/تعمل عروض مغرية وهكذا. ..😉

بعد بقا ماتظبط كده حالك،وترتب أوراقك،وتخلص تحليلاتك،تعالي نشوف بقا كده النتايج-استر يا ساتر-😶😶

لو لقيت إن نقاط القوة أكتر من نقاط الضعف،يبقا انت كده تمام يا صديقي،لكن لو لقيت بقا إن نقاط القوة هي الأقل من نقاط الضعف،يبقا كده فيه حاجة غلط،ومش هينفع تدخل السوق بالشكل ده،ولازم تحاول تتغلب ع نقاط ضعفك،وتكتر من نقاط قوتك؛عشان تعرف تدخل السوق وتنافس فيه بدل ما تتاكل.

ونفس الكلام برده،لو لقيت إن الفرص المتاحة أكتر من التهديدات المحيطة يبقا انت كده برده ف السليم،لكن لو لقيت العكس،يبقا برده قبل ماتدخل السوق لازم تدور ع الفرص اللي ممكن تستغلها كويس وتبدأ تشتغل عليها،وتبعد عن التهديدات أو تقلل تأثيرها بأقصي قدر ممكن؛عشان متأثرش ع البيزنس بتاعك،وتخلي البيزنس بتاعك يقعد بالجلابية ف البيت من بدري،ويطلع معاش مبكر.😁

وبكده تكون ال(swat analysis)بتاعتك استوت،وبقت-جاهزه للاكل-قصدي للتنفيذ😎

استني بس رايح فين؟مش قولتلك هنطبق ع (case study) ف اخر المقالة.
اقعد بس كده شوية واشرب كباية القهوة ده☕😁😀

المثاااااااااااااال:
تخيل كده معايا إنك مثلا راجل ورثت،وبعت حتة الأرض اللي حيلتك،وقررت بقا تسيب الشغل،وعايز تفتح البيزنس بتاعك اللي كنت بتحلم بيه،ومتحفز جدا إنك تفتحه من أيام ماكنت بتسمع الدكتور إبراهيم الفقى-ربنا يرحمه-

المهم،
انت عايز تفتح مثلا مركز بيدي كورسات(social media marketing) للي لسه بيدوروا ع شغل وناقصهم شويه مهارات.

خلينا بقا كده نبدأ خطوة خطوة ونعمل التحليل الرباعي بتاعنا.

أولا:نقاط القوة:

١)عندك مكان كبير ياخد عدد كبير من الناس.😃

٢)عنوان المركز سهل وبسيط وميتوهش.😃

٣)مكان المركز ف منطقة حيوية جدا،ف مدينة نصر ؛وبالتالي لو عملت إعلانات مثلا ع مقر المركز من بره،أو outdoor ads ف الشوارع المحيطة،هتشوفها اعداد كبيره من الناس المستهدفه.😃

٤)عندك ويب سايت بتنزل عليه كورسات،وكاتب مقالات تفيد الفءة المستهدفة،وبتعرفه بيك،وإزاي هيبقا الكورس اللي هياخده،وهيبقا مفيد ليه ازاي،وانه إزاي هيساعده إنه يلاقي وظيفة ع طول بعد الكورس وهكذا...😃

٥)سعر الكورسات بتاعتك أقل من سعرها ف مراكز تانيه كتيرة،ويمكن كمان جودة كورساتك أحسن من كورساتهم.😃

٦)معاك ميزانية كويسة تعمل بيها إعلانات ع الفيس.

ثانيا:نقاط الضعف:

١)المكان بعيد شويه عن المكان اللي بتعيش فيه عدد كبير من الفءة المستهدفة.وده ممكن تتغلب عليها عن طريق انك مثلا تقولهم الكورس الفلاني ده بسعر كذا،واحنا هندهولكوا انتوا بالذات بخصم مثلا(١٥٠)جنيه؛عشان انتوا ساكنين بعيد شوية،وده تعتبر فلوس المواصلات😃

٢)لو سعرك كبير مثلا،تقدر برده تستخدم قنواتك التسويقية وباستخدام ال(content marketing) إنك تقنعهم بقيمة محتوي الكورس،وأد ايه المحاضرين خبرة ف المجال، وأساتذه ف جامعات كبيرة.ولازم طبعا تجيبلهم أدلة ع الكلام ده؛عشان ميبقاش كلام ف الهوا،وتوضحلهم إن السعر اللي هيدفعوه مش هيكون عباره عن نفقات،بالعكس ده يعتبر استثمار ف نفسهم.زي ما بتحط مبلغ ف البنك،المبلغ ده هيرجعلك بعد كده وزيادة كمان.

يعني مثلا مبلغ ال(٢٠٠٠)جنيه اللي هيدفعها ف الكورس،أول مايشتغل هيكون مثلا أول مرتب ليه(٤٠٠٠)جنيه.وبرده لازم تجيب دليل ع الكلام ده،بإنك تروح تدخل ع صفحات الشركات،اللي بتعلن عن وظايف ف المجالات اللي بتدي فيها كورسات،وتاخد اسكرين شوت وتوري للعملا المرتب فعلا اللي الشركه منزلاه مع الاعلان،وبكده يثقوا فيك اكتر حتا لو سعر الكورس عال شويه😀

ثالثا:الفرص:
١)إن عدد المتخرجين من الكليات اللي بتستهدفها بيزيد كل سنه.

٢)المجالات اللي بتدي فيها كورسات سوق العمل بقا يحتاجها بشكل أكبر.

٣)الGDP per capita للمواطن المصري وخاصة (التارجيت اودينس) بيزيد-طبعا افتراض خيالي،ف الأيام الجميلة ده😁-؛فبالتالي لو سعر الكورس عالي شويه،مش هيكون فيه مشكله بالنسبالك ولا بالنسبالهم😃

رابعا:التهديدات:(تعالي نعكس الفرص بقا).

١)عدد المتخرجين من الكليات اللي بتستهدفها قليل.والحل هنا إنك ممكن تلعب ع فءه تانيه من الطلاب المتخرجين من كليات تانيه،وميعرفوش حاجه عن مجالات الكورسات اللي بتقدمها.هنا بقا انت تبدٱ تفتح عينهم،وتعرفهم ع الفرص اللي قدامهم ده،وتستخدم التسويق بالمحتوي والتسويق الالكتروني بشكل عام ف توصيل الرسايل ده،وبتبدأ بقا تمشي معاهم خطوه خطوه حسب ال(buyer journey/marketing funnel).

وهما(٤)مراحل:

فأول حاجه ابدأ بمرحله ال(awareness):وهيا المرحله اللي بتبدأ فيها تعرفوهم إن فيه فرص شغل موجوده ف السوق وهما مش عارفينها،أو مش واخدين بالهم منها.وبتبدأ تعرفهم بيك وبإمكانياتك،وايه اللي ممكن الكورس ده يدهولهم؛عشان يحسن من مستواهم،ويخلي حياتهم أحسن،ويحسن وضعهم المعيشي والاقتصادي وهكذا...😃

وفي المرحلة ده بتكون كده حولت (التارجيت اودينس) بتوعك من(strangers) ميعرفوش أي حاجه عنك ولا عن اللي بتقدمه لvisitors يقدروا يتابعوك ع الويب سايت بتاعك،وقنوات السوشيال ميديا.

٢)خلصت خلاص مرحله الوعي،تبدأ بقا مرحله ال(consideration):وهنا العميل خلاص بيكون عرفك كويس،وعرف المشكله الموجودة عنده،والفرص المتاحه قدامه،ويبدأ بقا يحطك ف الاعتبار ف دماغه،ويقارن بينك وبين المنافسين،اللي بيقدموا نفس الكورسات اللي انت بتقدمها.
ودورك ف المرحله ده إنك تقدمله محتوي ذو قيمه عاليه جدا عن محتوي الكورس اللي هياخده معاك،سواء كان المحتوي ده عباره عن سلسلة فيديوهات ع موقعك او ع اليوتيوب،او كتاب مفيد تشرحله بعض المعلومات ف مجال الكورس اللي هياخده وتروج لنفسك من خلاله وهكذا...😃

وف آخر المرحله ده بتكون حولت العميل من (visitor) ل (lead)،مقتنع بشكل كبير بجدوي وفايدة الكورس ده ليه ف المستقبل.

ملاحظة:عشان تحول ال(visitor)ل(lead) فيه طرق كتيرة جدا،هنتكلم عليها ف مقال متروس معلومات كتيره هتفيدكوا جدا ان شاء الله😃

٣)المرحله بقا اللي قبل الأخيره:

هيا مرحله ال(purchase)أو ال(desicion making):وهنا خلاص العميل قرر إنه ياخد الكورس معاك،ويبقا عميل بالفعل،بعد ماقارن بينك وبين المنافسين،واقتنع بيك انت.ويبقا كده كل شىء تمام بالنسبالك وبالنسباله😁

٤)رابع مرحله والأخيرة:

هيا مرحله ال(loyalty)أو ال(delightful):وهنا يجي دور خدمة مابعد البيع،وإنك تخلي العملا اللي خدوا معاك الكورس مش مجرد مبسوطين بمحتوي الكورس اللي خدوه،وسعداء بقيمته الكبيره،لا انت المفروض كمان تخليهم أكتر من سعداء ومبسوطين بالخدمه بشويتين تلاتة؛عشان يتحولوا من مجرد عملا فعليين ل( promoters)يروجوا لكورساتك ومركزك بين أي حد عايز ياخد نفس الكورسات اللي خدوها،وينشروا اسمك بين الناس المحيطين بيهم،وكمان يبقوا(ambassadors),بيدافعوا عن سمعتك وعن البراند بتاعك لو أي براند تان حاول يسوء سمعتك،أو يقول عنك حاجه ممكن تضرك.اللي هو بنسميه ال(brand attack)😑

والسؤال بقا هنا،ازاي اخلي العميل loyal؟!
طبعا موضوع ولاء العملا كبير جدا ويحتاج مقاله لوحده هنزلها اليومين الجايين دول..فتابعونا😃

-بس هقولك دلوقتي ع كام حاجه متعلقه بالحالة ده ممكن تطبقها.

١)إنك تتابع صفحات الشركات،اللي بينزلوا فرص شغل ف المجالات اللي بتدي فيها كورسات،وتنزلها دايما ع صفحتك؛عشان تساعد الناس اللي خدت معاك الكورس إنهم يحصلوا ع وظيفة.

٢)تقدر برده تعمل جروب مخصوص للناس اللي خدت الكورس،تتكلم معاهم،وتجاوب ع استفساراتهم بخصوص أي سؤال مش عارفينه،ويبقا فيه حوار مجتمعي مستمر؛لحل ومشاركة أي مشكله واقفه قصادهم وتبني بكدة ال(community) الخاصه بيك😉

آخر سؤال بقا عشان عايزين نلم الكراسي ونروح😅؛ونبقا كده غطينا الموضوع (الكيرفي) ده من كل جوانبه.😃

ازاي أعرف مين هما أصلا المنافسين بتوعى ف السوق؟
هو انت يعني جيت ف جمل😃
سهله ومش مستاهله ياصديقي😁
هتقعد ع لابك الجميل ال(HP) اللي جايبه من مول البستان😁وتكتب ع جوجل أي كلمة متعلقة بالمجال اللي انت فيه،زي مثلا:
كورسات(HR) وهكذا.وتشوف بقا المواقع اللي ظهرتلك اللي بتقدم الكورسات ده،ويبقوا دول هما المنافسين بتوعك😃
وبرده نفس الكلام تعمله ع مواقع السوشيال ميديا،والصفحات اللي هتطلعلك،تبقا برده هما دول المنافسين.

والكلام المتعلق بالمنافسين،وازاي تحلل المنافسين بتوعك،وتتغلب عليهم،وتبقا رقم واحد.ملهوش أول من آخر؛عشان كده برده هنتكلم عليه ف مقالة لوحده.

عشان متضيعش ع نفسك أفكار مبتكرة ومعلومات قيمة جدا هتساعدك انك تنجح ف شغلك لو انت (social media specialist/content creator/copywriter) 😍😍
ويارب اعرف افيدكوا بأي معلومة،هيكون شرف ليا😃😍

واعمل share لصحابك الماركتيرز؛عشان تساعدهم يخططوا لشغلهم صح،وميحتاسوش أول ما يمسكوا شغل😃